شانۆنامەى هەڵەبجە

كاميل مەحمود

بڵێى ڕۆژێ بەسەرهاتى ئەم شارەى من
بكرێ بەشانۆنامەيەك
لەسەر تەختەى شانۆكانى 
وڵاتاندا پيشان بدرێ
بەمەرجێ هەموو ڕاستييەكان
چۆن ڕووى داوە

وەكو خۆى نمايش بكرێ
دڵنيابن..
لەجێى دەنگى چەپڵەڕێزان
دەبێتە هاوارو گريان
ياخود بلێى
هيچ ئەكتەرێكى كارامەى ئەم جيهانە
بتوانێ بێتە ناو دەورى 
سووتاوێكى ئەم هەڵەبجەى كوردستانە
دڵنيام بۆى تەواو نابێ و
نەفرەت دەكات لەخاوەنى ئەم تاوانە.