كاميل مەحمود
ئەوەى كاك شاسوار عەبدالواحد دەيكات من ناوى دەنێم (سياسەتى ئيحراجكردن) بەدواى مەرام و مەبەستيشيدا ناگەڕێم وئەو خاوەنى حزبێكى سياسييە بۆيە مافى خۆيەتى چۆن ئەداى سياسەت و حزبايەتى خۆى دەكات، بەڵام ئەم تەكتيكەى دەستى داوەتێ و بەدواى كون و كەلەبەرە وێرانە فەرامۆشكراوەكاندا دەگەڕێت تا چاكيان بكاتەوە كارێكى باشەو پيادەكردنى سياسەتى ئيحراجكردنى دەسەلآتە بۆ ناچاركردنى بەچاككردنەوەى ئەو شوێنانەى چاككردنەوەيان دەوێت، بۆيە دەيبينين دواى ڕاگەياندنى هەر دەستپێشخەرييەك چۆن حكومەت بەخێرايى و بەكردار دێتە سەر خەت و لەنيوەشەودا كارە پشتگوێخراوەكەى ئەنجام دەدات!.
لەم گەمە جوانەدا چەند ڕاستييەك ئاشكرا دەبێت، لەلايەكەوە لاوازى خزمەتگوزارى و دەستەوەستانى حكومەت لەچارەسەرى هەندێ كێشەى زۆر سادە، لەنموونەى چاككردنى پردێك يان پڕكردنەوەى چاڵى سەر ڕێگايەك يان گۆڕينى گڵۆپ و چاككردنى ڕووناكى گۆڕەپانێكى يارى، لەلايەكيترەوە ركابەرييەكەى نێوان سەرۆكى جوڵانەوەى نەوەى نوێ و حكومەت دەرى دەخات كە هەر لەسەرەتاوە دام و دەزگاكانى حكومەت دەيانتوانى ئەو كارانە بكەن و بەئەنقەست و لەئەنجامى بێباكى و گەندەڵى ئيدارى و لاوازى هەستى بەرپرسياريەتى ئەو كارانە پشتگوێ خراون..
كەواتە سياسەتى ئيحراجكردن ڕێگايەكى باشە بۆ شەرمەزاركردنى لايەنە كەمتەرخەمەكانى حكومەت و ناچاركردنيان بەجووڵە.
ليست هناك تعليقات:
إرسال تعليق